مشهد غربة وفاتك المتسلّط من مسرحيّة "جبال الصوّان" (1969)

الشخصيّات عدد 3 (فاتك - غربه - ديبو)
فاتك: وحدِكْ؟

غربِه: وحدي.

فاتِك: بلكي حبستِكْ؟

غربه: هنّي فالتين

فاتك: بلكي قتلتك؟

غربه: هنّي عايشين.

فاتك: غربه... كانو عايشين قبل ما جيتي، عم ياكلو ويشربو ويمشو ويشوفو، ليش رجعتي؟

غربه: ندهولي

فاتك: ت تقدّمين للموت؟

غربه: حابين يموتو

فاتك: اتركين وروحي. بُعرض عليكي تروحي، ولا تجعلين خبز الأرض ويرجَع شجركن يزهِّر الطرحات السود.

غربه: فتحو شبابيكن، شمسُن ما عادت تغيبْ. أنا اللي بعرض عليك تروح.

فاتك: أنا جيت مش ت روح. والأرض أنا ويّاهن سايعتنا.

غربه: وليش قتلت مدلج؟

فاتك: أنا ومدلج ما كانت سايعتنا

غربه: وليش هلّق بدّا تساع؟

فاتك: لما بيكونو اتنين قوايا، مصيرن يتصارعو. أنا لمّا جيت، بيّكْ وقف بوجّي وتقاتلنا. لو ما إقتلو كان قتلني. هيك صار. وهلّق أنا هون، إنتي رجعتي تشعليّا؟

غربه: بيي وقف بوجّك لأن الأرض أمانه بعنقو. لمّا سقط أنا استلمت الأمانه

فاتك: بس الأرض ملك الكلّ

غربه: الأرض ملك الكلّ. لكن ما بتساع الناس والظلم. لمّا بيوقع الظلم بتضيق الأرض

فاتك: (بهدوء) عم تحكي أكتر ما لازم تحكي. (بغضب) يا هالبنت المغروره، بعطيكي فرصة يوم: يا بترحلي يمّا أنا بشعلّها، وبقتلك، إنتي آخر سليلة مدلج وبتخلص هالقصّه.

غربه: شو بدّك تقتل ت تقتل؟ ما بقى رح تخلص القصّه. ورا كلّ صخره، تحت كل شجره، بفيّةْ كلّ بيت، عم يخلق ولد لمدلج.

(بتضهر)

فاتك: (بغضب) ديبو حضّر حالك. اجمع العسكر، ركّزن ع العالي. رِجعلي رنين الحرب. لازم نسحقن. ع آخر واحد نسحقن. ونمحي كلّ أثر مدلج وما نخلّي مين يخبِّر. وخلّي دمّن يسبق شلّالاتن. سمّعني هدير الموت. وابكي يا ريح ع أهل جبال الصوان.