مجلّة في الحكمة هاي سكول من إعداد التلاميذ

عام 1992 تأسّست مدرسة الحكمة هاي سكول

عام 1993 صدر العدد الأوّل من مجلّة "البراعم" التي أسّستُها في مدرسة الحكمة برازيليا، (بعد عدد تجريبيّ صدر عام 1989)

سنة 2018، وبالتزامن مع اليوبيل الخامس والعشرين لكلا الحدثين التربويّين، وفي زمن تُحتضر فيها الصحافة الورقيّة،

تصدر مجلّة جديدة في مدرسة الحكمة هاي سكول... 

تحديّات جديدة مع تلاميذ واعدين وموعودين...

أغنية الحكمة هاي سكول "فوق التلّه الما بتنام"

كلمات: ماري القصّيفي

لحن وأداء: نادر خوري

***

فوق التلّة الما بتنام

مرقتْ إيّام وإيّامْ

ومرقوا ولادْ

ومرقوا عيادْ

وبعدا الحكمه عم بتطلّ

ع لبنان البدّو يضلّ

أرض الحِلمْ

ومهدْ العِلمْ

وتاريخ من الحضارة

يتقدّم أغلى هديّه

***

ولادْ الكلمة، هيك رْبينا

الحكمه صارت منّا وفينا

لو كنّا من ميّة لونْ

منتوحّد بوجّ الكونْ

نحكيلو أحلى حكايه

بِعِبّ الحرف مخبّايه

وقتْ الجدّ

منرسم حدّ

ت نذكّر إنّو نحنا

أصحاب الأبجديّه

***

عمر الحكمة منّو سنين

بيرجع ربيعا بتشرين

عزم رجالا صخور الجرد

والصبايا طلّةْ ورد

ع جبينن يتغاوى الغار

بعتم الليل يهلّوا قمار

هنّي الوعد

وهنّي العهد

وهنّي مستقبل هالأرض

وهنّي ولاد الحريّه

جانب من زيارة سيادة المطران بولس مطر وافتتاح سنة اليوبيل الخامس والعشرين