لماذا هذه المدوّنة؟

إطلاق المدوّنة: 27 تشرين الثاني 2014.
****************
للتذكير: سبق وأنشأنا مدوّنة هذا عنوانها http://arabicsagesse.blogspot.com/

رابط أغنية إنت المعنى (كلمات ماري القصّيفي - لحن روجيه صليبا)

رابط أغنية يا عواميد الحكمة السبعة (كلمات ماري القصّيفي - لحن إيلي الفغالي)

رابط أغنية فوق التلّة الما بتنام (كلمات ماري القصّيفي - اللحن والأداء لنادر خوري)

رابط أغنية يا حكمتنا (كلمات زكي ناصيف - لحن نديم محسن)

تساهم في الطباعة والتصوير: السيّدة ميّادة أبي خليل

الأربعاء، 30 نوفمبر، 2016

عن اللغة العربيّة في مناسبة عيدها قي 18 كانون الأوّل (الفيلم باللغة الفرنسيّة)

أغنيات لعيد البربارة




هاشلة بربارة 
مع بنات الحارة
عرفتا من عينيها 
ومن لمسة إيديها
ومن هاك الإسوارة
***
من حكياتا 
ومن خفّة دمّاتا
هيدي هيي بزاتها
الرْقصت ع الهوّارة
***
عرفتا من طلّتها 
ومن كَرّة ضحكتها
يا ويلي غمزتها
شو فيها شطارة
***
موّال :
أوّل ما شفتا 
دقّ قلبي دقّتين
وضيّعت حالي 
وماعرفت صفّيت وين
وبعد ما لقيت حالي وشفتها
قلتلّها وعد الحرّ دين
***
عرفتا والله عرفتا
ومن أوّل ما شفتا 
ساعة ما وقفّتا 
عِلقت بالصنّارة


***
على لحن أغنية "شتي يا دنيي تا يزيد " لفيروز والرحابنة 
نظم الكلمات المهندس جرجي ساسين 
حركة الشبيبة الأرثوذكسيّة أنفه في 25 / 11 / 1980





معكن في عنّا مواعيد
بعيد البربارة
جينا وجبنا معنا العيد
يا أهل الحارة
***

عم نبرم من دار لدار
بعتم الليل كبار زغار 
حملنا الفرحة بالعينين
وبالقلـب محبـّتنا نار  
للأحباب نضويّ الدرب
ونمشي ونشبك إيد بإيد 
***
ولـو نحنا حطّينا قناع 
كشفنا قلوب الكلّ تساع 
صلّيـنا وقلـنا ياعيد
سنة الجايّة لعنّا رجاع 
حامل خير وبركة ربّ 
وذكرى ميلاد وتجديد 
***
بربارة حـبّت يسـوع 
ما خافت تعذيب وجوع 
إعترفت فيه قدّام الناس 
ضحّتلو دمّا بخشوع 
علّمتنا كيف الحــبّ
بيعـمل عجيـبة وبزيد


***
بليلة عيد البربارة - جورج مجدلاني
كلمات الشاعر انطون العشي

ألحان الفنان جاك نعمة

  
بربارة بربر يا زغير
مع رفقاتك بالحارة
دربكّة وصوت زمامير
خلّيني من الفرحة طير
بليلة عيد البربارة
***
خبّي وجّك يلّا قوم
تنكّر بالزيّ المهضوم
زيّ بسينة أو فارة
لوّن وجّك بالألوان
بليلة عيد البربارة
***
قصّتنا من جيل لجيل
على بعض منحكيها
ومنغنّي أحلى مواويل
وجوه وجوه نخبّيها

الثلاثاء، 29 نوفمبر، 2016

مشهد ملهب والإمبراطور من مسرحيّة يعيش يعيش (1969)


مشهد ملهب المهرّب
ملهب: (بيشكرن بحركه، هو وعميتأَمّل الأمبراطور) مين حضرِةْ الأخ؟
هيفاإسْمو بَرْهوم، بِيشتغِل عنّا بالدكان
ملهب بيتأمل جيبِة الأمبراطور الْـ فيَا ساعه دهب، جنزيرا ظاهر.
ملهب: ساعتَك جَنْزيرا دَهب، مش ساعةِ شغيل
الأمبراطور: إجتني هديَّه
ملهب: دَهَب؟!؟
الأمبراطور:(بِيجَرِّب يشيلا) مقَدَّمِه
ملهب: لا يا أخ. نِحْنا ما مْنِقْبَل هدايا، ولا مْنُنْصُب على الناس
الأمبراطور: شي عَجيب!!
ملهب: شي عَجيب!! لَيْش؟
الأمبراطور: كيف ما بْتُنْصَب، وبْتِسْمَح لَنَفْسَك تْهَرِّب؟
ملهب: النصب شي... والتهريب شي
الأمبراطور: كِلُّو تَعَدّي عَ حقوق الناس
ملهب: هيئْتَك بِتْشارِع، وأنا جايي رُوق. قوم فوت نام
الأمبراطور: (بِعَظَمِه) أنا؟
ملهب: نعم إنتْ
الأمبراطور: مش نِعسان
ملهب: قوم فوت انْعَس ونام
هيفاملهب... ما إلَك حق بدِكّانِتْنا. إنتَ ضيف وهوّي ضيف
ملهب: ضيف؟
هيفاوضارِب مرتو وحمَاتو، ومطلوب
ملهب:مطلوب كَمان؟ فإذن كاسَك (بيشرب وبيسقي الأمبراطور من قنينتو) ما زالَك مطلوب، صرنا زُمَلا، منكمِّل الحديث. قلتلِّي النصب والتهريب كلو واحد؟
الأمبراطور: برأيي نَعَم
ملهبدخلَك مين مش عَمبِيْهَرِّب؟ اللي بِيْهَرِّب رِبْحو من دَرْب الضرايب مَنُّو مْهَرِّب؟ اللي بِيهَرِّب السِّعر عن البضاعَه مَنُّو مْهَرِّب؟ اللي بْياخُد إشيا غَريبِه عَ بلاد غَريبِه بِشِنَط غريبِه مَنُّو مْهَرِّب؟ كلُّن مْهَرّبين. أنا عَ القليِله بْهَرِّب من دَرْب اللي بَدُّن يْهَربو
الأمبراطور: رأيي إنو إذا كِتْرو اللي بِيخْرْقو الشريعَه، ما بْتِتغَيَّر الشريعه والمخالفِه بِتْضَل مْخالفِه
ملهب: أنا عايش بَرَّات المخالفِه. وْبَعْدين أنا ما بكذِّب. بهَرِّب وبْسَمِّي حالي مهَرِّب. هني بِيهَرّبو، وبيعطو حالُن القاب مهمِّه
الأمبراطور: وليش اختَرْت هالشغلِه؟
ملهب: هيِّي اختارتني. حَمَّلتْني بارودِه وقالتلي امْشي. كان فيْه يومها رجال قاعدين بالشمس وناطرين. وكان فيه ولاد يِلْعبو بالحجار وتْيابُن مخَزّقَه. وكان فيْه عِينَين نِسوان. كِلُّن شَدُّو فيِّي. صِرنا أهل جْرود. وصار عِنّا ضَيعَه لَحالنا، وْولاد ونِسوان يِنْطْرونا ويْصَلّولنا. واللي فيْه ناس بِيصَلّولو ما بِيكُون عَميَعْمِل شي عاطِل
الأمبراطور: فيه كتير بِيعِيشو من هالشغلِه؟
ملهب: ضيعتي كِلا. لو بتْشوف بهالطْوَاق الزغيرِه شو فيْه وْجوْه. خَلْف هالحيطان السّميكِه شو فيه بْواريد. بدُّن ياكلو. بدُّن يعيشو. بدُّن يِبعَتو وْلادن عَ المدرسِه أحلى مَ يِطْلَعوا متلنا
الأمبراطور: رايي إنو الحكومِه مَجبورَه تْعَلّملُن ولادُن
ملهب:الولاد بدُّن يِكْبَرو، ما بيقْدرو يِنطْرو تَ يْصير فيْه حكومِه. كاسَك خَيِّي بَرهوم
الأمبراطور: مَبْسوط بْعيشِةْ التشرُّد يا ملهب؟
ملهب: تْعَوَّدنا عليها. أنا والأمبراطور صِرنا مِتل بَعضْنا. هُوّي مَطلوب وأنا مَطْلوب. بس هُوِّي فيْه عليْه جايزِه
الأمبراطور: إجتني فكرَه: إذا إنتْ حْضيت بالأمبراطور، كيف فيك تْسلّمو وتقبض الجايزِه وإنتْ مَطْلوب؟
ملهب: أنا إذا حْضيت بالأمبراطور ما بْسَلّمو. بْقِلّو فيْه جايزِه ميْه ألف ليرَة للقَبض عليك، بْتِدْفَع خمسين تَ هَرّبَك؟؟؟ كاسَك خيّي بَرْهوم! يا بَرْهوم أنا حَبَّيْتَك. هَيْئتَك مِتْعَلِّم، ولمّا بْتِحْكي بْتِحْكي بْأمر. فيك رجّال. شوف: إنتَ ضارِب مرتَك ومَطلوب. إذا بَدّا تِتْقَل الحالِه عْلَيك، مِستعِد هَرّبَك. ومعي ما حدا بيِمسْكَك. دايما بْهالجبال الموحْشِه، فيْه مَمْرَق لَـ اللي بْترْفُضُن الطرقات الوسيعَه.
(بو ديب بيطلع من الدكّان، معو أركيله)
بيوصل سالم، من رجال ملهب
سالم: مسا الخير (بيلتفت ع الإمبراطور بحذر وبيقول لملهب) شو؟
ملهب: احكيه (بغمزه عن الإمبراطور) صاحبنا
سالم: تِهريبةْ بكرا ترتَّبِتْ: 10 برّادات، 15 غسّاله، 3 لاجئين ساسيّين، 2000 كروز دخّان، تَنكتين من اللي بِعلْمك منن
ملهب: عال. اقعد اشرَب
بو ديب: الله، الله ع إيّام زمان، لمّا كنت أنا هرِّب
ملهب: كنت تهرِّبْ يا بو ديب؟
بو ديب: معلوم. وحياتك ما كنت إرضى إلّا كلّ 100 كلاشينكوف سوا
هيفا: جديّ
بو ديب: بدّك تقول بواريدْ معدّلِه
هيفا: جدّي
بو ديب: جفوتةْ دَكّ. ارتحتي يا جدّي؟؟؟؟؟

صور من محفوظات قسم اللغة العربيّة (أنشطة 2010)



 طوم أبي سمرا - إيلي سعادة
(معلّمة الصفّ ألين الخوري حنّا)

 يورغو فغالي  - جاد روحانا
(معلّمة الصفّ ألين الخوري حنّا)

باتريك مارون
(معلّمة الصفّ ألين الخوري حنّا)

مارينا الشعّار
(معلّمة الصفّ ألين الخوري حنّا)


كريستينا عيد - كارين حدّاد - إيلينا عيسى - ناز حسيني - كارين عقل
(معلّمة الصفّ ريتا باسيل)


ماريّا صافي - غاسيا أموكليان - ماريان حسّون - نيكول آدم - ديسبينا بشّور - تريسي ماضي
(معلّمة الصفّ ريتا باسيل)

كريستوف قبلان - إليوت بلّوز - جاد أردكاني - إبيفانيو عون
(معلّمة الصفّ ريتا باسيل)

نادين راشد - كالين مطر
(معلّمة الصفّ ريتا باسيل)

أنطوني بو فرحات - سيرج نصّور - سارو ديرميدجيان
(معلّمة الصفّ ريتا باسيل)


ريان ضوّ، وسام بولس، ريتشارد سرور، شربل حدّاد
(معلّمة الصفّ السيّدة ريتا باسيل)


صور من محفوظات قسم اللغة العربيّة (أنشطة 2010)

 عام 2010 أجرى قسم اللغة العربيّة مباراة لاختيار أجمل ثلاث مكتبات في صفوف الحلقتين الأولى والثانية.
صور للذكرى والعبرة... 






















الاثنين، 28 نوفمبر، 2016

الأحد، 27 نوفمبر، 2016

صور من محفوظات قسم اللغة العربيّة (أنشطة 2010)


إعداد التبّولة مع الآنسة غريس جعارة التي غادرت المدرسة
تاركة أطيب الأثر







جمع سدّادات القناني للأعمال الخيريّة



***
في معصرة الزيتون في المنصوريّة