شدّوا شدّوا بالصنّارة
كلمات: جوزيف أبي ضاهر
لحن: مروان وغدي الرحباني
شدّوا شدّوا بالصنّاره
شدّوا شدّوا ما في خساره
يمكن تطلع سمكة كبيره
ويمكن تطلع سمكة زغيره
صيد السمك بدّو شطاره
***
تحت الميي رفوف رفوف
السمك بتشوفوا ماشي
اطلّع ب هالسمكة وشوف
مهضومه متل فراشه
وجوانح متل الطيّاره
***
مين بيعرف شو رح يطلع
يمكن ياقوت ومرجان
يمكن حوت نخاف ونرجع
الحوت بيطلع وين ما كان
قالتلي ستّي الختياره
***
ويمكن ما نتصيّد شي
ونتعب نتعب ع الفاضي
نضبّ الصنّاره ونمشي
الموجه تنسّينا الماضي
وترسم ع الميي إسواره
وصيد السمك بدّو شطاره
ليست هناك تعليقات:
إرسال تعليق