راجع يتعمّر لبنان - زكي ناصيف

راجع راجع يتعمر.. راجع لبنان
راجع متحلّي وأخضر أكثر ما كان
هلا يابا.. هلا يابا راجع لبنان

يا زنود اللبنانية شدي معنا

ع الدبكة وع الغنية رجعنا رجعنا
نحنا صفّينا النية والله معنا
دبكتنا إنسانية وعونة أخوان
هلا يابا.. هلا يابا راجع لبنان

دبكتنا عونة أخوة صورة ومضمون
صورتنا هِمّة ونخوة تفرّح العيون
فيها البسمة اللي بتضوي القلب المحزون
بعيون الغاضب قوّة تردّ العدوان
هلا يابا.. هلا يابا راجع لبنان

رجعنا الساعد بالساعد مشبوك منيح
ومشينا مشية مارد يضحك للريح
طلّتنا الكرم الواعد بعدو تلاويح
يبشّر بالصيف الوارد موسم حرزان
هلا يابا.. هلا يابا راجع لبنان

راجع راجع يتعمر.. راجع لبنان
راجع متحلي وأخضر أكثر ما كان
هلا يابا.. هلا يابا راجع لبنان