على دلعونا لشجر الزيتون (للصغار) - مستوحاة من التراث

على دلعونا وعلى دلعونا

بارك يا ربّي شجر الزيتونا

زيتون بلادي ما اْطيبْ حبّاتو

ما أحلى لونو وما اْحلى زيتاتو

بلبنان كلّو منطلب أكلاتو

لأنّو طعمو أحسن ما يكونا

في منّو الأسود، في منّو الأخضر

إنّك ما تحبّو ولا مرّة بتقدَر

قلبك شو بيفرح ساعة ما بيحضَر

من منتوجاتو منعمل صابونا

زيتون بلادي موسم تشريني

يا أرض اعتزّي والْخير اعطيني

بزيتو الصّافي رِقّوا العجينه

وصبّوا التبّوله وملّوا الْصحونا

بالحكمة مندرس مرّات منلعبْ
منركض بالملعب من دون ما نتعب
درس القراءة هيّن ما بيصعَب
معلّمتي قلبا طيّب حنونا