بيكفي إنّك لبناني - عاصي الحلّاني

غطّي الشمس بفي جبينك

بيحقلّك وطنك دينك
لو هالدنيي سألت مينك
قلّن إنّك لبناني
بطل السلم وبطل الحرب
همزه وصل الشرق الغرب
تضل تحب وتنحب
بيكفي إنّك لبناني

لبناني ومطرح ما تروح
حامل وطنك قلب وروح
ومنك عطر المجد يفوح
عطر تراب اللبناني
لبناني وكلّ ما بتطلّ
بتوزّع حبّك عالكلّ
والايدين عليك تدلّ
وتعرف إنك لبناني

لبناني وإسمك مكتوب
ع حدّ السيف المسحوب
لون حروفو حبر قلوب
كلمه وحده: لبناني
لبناني وتسلم هالإيدين
اللي بتعرف تعطي وتزيد
وتخلق بعد الأزمه عيد
وعيد المجد اللبنانيّ