كنّا نزيّن شجرة زغيرة

 كنّا نزيّن شجرة زغيرة

كلمات جوزف حرب

لحن الأخوين رحباني

كنّا نزيّن سجرة زغيرة 

ونعلّق فيها اجراس 
عليها نجوم بيلمع لونا 

بيلمع متل الإلماس 
ملياني تلج 

وملياني ملبّس أبيض بكياس 
يا جراس وعّي الناس للقداس يا جراس 
يا جراس الليلة عيد وعّي الناس

*** 
كان عليها مسابح زرقا 

وشمعة زغيرة ولمبات
حمرا و صفرا تضوّي وتطفي 

بتشبه ضو الطرقات 
بين غصونا شرايط فضة 

ورفّ طيور وبالونات
يا جراس وعّي الناس للقداس يا جراس
يا جراس الليلة عيد وعّي الناس 

***
نقعد حدّا نطّلع فيها 

نلاقي في عليها قلوب 
ميّة طابة حمرا 

نفزع إنّو توقع وتدوب 
فوقا كارت زغير ملوّن 

وبقلبو في مكتوب 
كلّ عيد وإنتو بخير أنتو بخير 
كلّ عيد وبلدي بخير بلدي بخير