إنتَ المعنى (YOU MATTER) - محور أنشطة 2015- 2016

إنتَ المعنى (YOU MATTER)

كلمات ماري القصّيفي

انْكَنَّكْ مَعْنا أَوْ مِشْ مَعْنا		إنْتَ الْمَعْنى كِلّ الْمَعْنى
وَلَمّا تِحْكيني وإحْكيكْ		الدنيي كِلّا بِتِسْمَعْنا
	***
إنتَ المَعْنى بقَلْب الشاعِرْ		وَبَعْرِفْ إنَّكْ مِتْلي شاعِرْ
خَلِّينا نِحْكي ونِتْفاهَمْ		الكِلْمِهْ هيي البْتِجْمَعْنا
	***
إنتَ المَعْنى وبْتِعْنيلي		خَلّيكْ عَ طولْ مقابيلي
صورهْ عَنْ مَحَبِّةْ أللهْ		المحبّهْ وَحْدا بتِجْمَعْنا
	***
لازِمْ تِعْنيلي وإعْنيلَكْ		بالْحِزنْ بتِشْكي وبِشْكَيلَكْ
وبالْفَرَحْ قلْبي  بِغَنّيلَكْ		هيدا وَحْدو اللي بينْفَعْنا