![]() |
الحروف الهجائيّة |
أبجديّة قدموس |
الحرفْ اللي رَسَمو قُدموس
ومِنّو العالَم عِمْلو دروس
معنا تغيّر وتحوّلْ
بسْ لازمْ يبقى الأوّلْ
بسْ لازمْ يبقى الأوّلْ
العربي لِغّةْ أجدادي
وفيها تاريخْ بلادي
وفيها تاريخْ بلادي
كَتَبْ فيها الريحاني
عاصي ومنصور رِحباني
عاصي ومنصور رِحباني
وسعيد عقل وجبران
المعروف بكلّ الأوطان
المعروف بكلّ الأوطان
مَهما إتعلّمْ لغّاتْ
وإحمُلْ كُتُبْ وشهادات
وإحمُلْ كُتُبْ وشهادات
لازمني أبجديّهْ
تَ يكونْ عِندي هَويّهْ
الأبجديّة العربيّة
حروفْ ورسْم وغنيّة
ت خبّر كلّ البلدان
عن أمجادك يا لبنان
تَ يكونْ عِندي هَويّهْ
الأبجديّة العربيّة
حروفْ ورسْم وغنيّة
ت خبّر كلّ البلدان
عن أمجادك يا لبنان
ماري القصّيفي
ليست هناك تعليقات:
إرسال تعليق