ماما ماما الحِنْدَّقَهْ
البابا غَيْرِكْ ما نَقَّى
بَدّي جِبْلِكْ هِديِّهْ
وَما مَعي إدْفَعْ حَقّا
***
يا ماما القِجِّهْ فاضي
وَعَنْ هالحالِهْ مِشْ راضي
واعِدْني بَيي بزَوْدِهْ
لمّا بدَرْسي بِتْرَقّى
***
يا ماما يا حَنونِهْ
إنتِ نُوري وعْيوني
حَنانِك عَمْ يِغْمِرْني
مِنْ دونو شو بيتْبَقّى
***
يا ماما شو بِهْديكِ
وشو بِجِبْلْكْ تَ إرْضيكِ
دَقّةْ قلبي بتِرْخَصْلِكْ
مَلْيون بتسوى الدَّقّهْ
***
رَحْ صَلّي لَيْليهْ وقولْ
يا ربّي تضلّي عَ طول
مِيّةْ بَوْسِهْ بَعْطيكِ
خَلّي خَدِّكْ يَتْلَقّى
ماري القصّيفي
ليست هناك تعليقات:
إرسال تعليق