راجع ورق الخريف - محفوظات

راجع ورق الخريف – كلمات جورج يمّين – ألحان رينيه بندلي – غناء دورا بندلي

راجِعْ وَرَقْ الخريفْ 
بالهوا يرسُم دوايرْ 
والشارعْ يلبُسْ أساوِرْ 
ويلمَعْ دَهبْ الرصيفْ
يا ورقْ العُمر الحزين

يا دفترْ عم يمحي سنين

يا مرايات المكسورة

فوق حفافي الطرقات
لمـّا القمر بيزورَك 
بيضوّيها نجمات
يا هالدَهَب خبّرني 
حاجهْ بسْكوتَك تِلمعْ
قولَكْ بعدو بيذكرْني 
والماضي بعد بيرجعْ؟
والدني كلاّ خريف
علوّاه علوّاه
لو مرّة الغابة ما بتشلح تيابا
والشتي ما يدّق عا بابي
ويسكّر بوابا
بلكي بليلة صحو

كلّ الهموم بينْمَحو 

ويرجَع بتاني خريف 

يلمعْ دَهَب الرصيف